Примерное время на чтение статьи 0 минута

                    ӨМЕТ.

Сиңа гына диеп җыйган идем,

Чәчәкләрем шиңде кулымда.

Өзелмәсен иде өметем, сөю тулы

Ике күзем кайтыр юлыңда.

Ике яклап ак каеннар үскән

Басу капкасына тикле ул юлның.

Кайтыр диеп көндә чыгып карыйм

Көтә-көтә көтекләр булдым.

Каен арасыннан кайтыр юлың

Сары сагышларга күмелде.

Сиңа җыйган чәчәкләрем шиңде,

Ә өметем тагын өзелде.

Бер сүз җитә минем ул өметне

Мәңге өзелмәслек итәргә.

«Көт»,дип хәбәр җибәр, мин бит риза

Гомерем буе сине көтәргә.