Примерное время на чтение статьи 0 минута
Бик күптәннән сине ташлап киттем,
Хыянәтчел ташлау түгел лә.
Исләремә төшсә ул чакларым
Ихтыярсыз яшьләр түгелә.
Кайтам ел дә туган нигеземә
Көткәннәрем күрше апалар.
Кайттыңмы дип чын күңелдән сөенеп
Зур кунактай каршы алалар.
Кемнәр бар да кемнәр юк икән шул,
Күрше кызы каршы йөгерә.
Мин киткәндә тәпи баскан малай
Үзе әнә уллар үстерә.
Алмашына буын кайткан саен
Бер үзгәреш була күршедә.
Туганнары сөенеч,ә үлгәннәр
Тагын яра минем күңелгә.